◦◦ **! جوّالك كشف كل سرّ غدرك !** ◦◦

ياقلب ما كل القـلـوب السـلـيـمــه
فيها من الطيبه كثر مالله معطـيـك
ياقلب لو أهل العقــول السـقـيمــه
عابو عليك وحطـوا المشكـله فــيك
ياقلب عادتك الصفـات الكـريمـه
على الكرم والطـيب جـدي مـربيك
وهبك ربي هالصفـات العـظيمــه
نعمه ومهديـهـا من العـرش واليك
(ياقلب لاتحـزن) لـهرجة نميمــه
لا تتعبـك ياقـلب هــرجة معـاديــك
ياقـلب طـردك للمقـفــي هزيـمــه
واللـي يبيعـك بعه لو جاء بيشريك
ياقلب من لا يسـتحـق الحشــيمــه
خلـه مـحلـه لا يقــرب تـــوالــيـــك
ياقلب فعل الطيب مكسب وشيمـه
وفعــل الـردى للشـــر دايــم يوديك
وياقلب طالع هالقلوب العظيـمـــه
جاتك وتسأل عنك وش صايـر فيك

◦◦ **!!** ◦◦

صحيح اني أحبك بس عقب اليوم أنا مابيك
أنا مابيك دامك شخص خاين حبي وغدار
عزيز النفس مايخضع لحبك لا ولابرجيك
عنيد وماأحب الذل مهما كانت الأقدار
بعد هااليوم لاتسأل تراني شخص لايعنيك
ولاتعنيلي وبنساك خل الحب للتذكار
تفضل وابتعد لاعاد تطريني ولابطريك
واذا باقي عذر مابيه مابي زايف الأعذار
خطاي اني وفيت بقلب صادق يحبك ويغليك
وخطاك انك نسيت ان الزمن ياظالمي دوااار

◦◦ **!!** ◦◦

جوّالك كشف كل سرّ غدرك
حصّلت كل اخبارك السيئه فيه
ماكنت متوقع ولا كنت مدرك
ان الخيانه والردى طبع راعيه
قدكان في قلبي غلاتك وقدرك
واليوم ننسى الحب كله وماظيه
حسافه الوقت الذي ظاع لأجلك
واثار قلبي يا رشا منت مغليـه
ماشفت من طعم الغلا غير مُرّك
وغيري تساقيه الغلا لين ترويه
ابعد بعيد بخيرك وكل شرّك
قلبي معك ما قد لقى شي يرظيـه

◦◦ **!!** ◦◦

بالليل طيفك زارني وأنت زعـلان
أنشهد إن الطيف بالحيـل وافـي
جاني يقول : بنظرة عيونك أحزان
نظرة عيونك بينـت كـل خافـي
إلى متى تسهر وهو منك سهـران
خل العناد وماضـي الهـم كافـي
ياطيفها .. للصبر حـدٍ وميـزان
الليل طال وثوب الأحزان ضافـي
ياطيفها .. يستاهل القلب نيشـان
ياما على جمره مشى القلب حافـي
عندي تساوى اليوم وصلٍ وهجران
مانلتقي بيـن الـدروب إختلافـي

◦◦ **!!** ◦◦

أنـا الحزيـن ودنيتـي دوم غربـه
واشوف انا كل البشر حولي اغراب
ضايع وقلبي ماعـرف ويـن دربـه
تاهت به الدنيا على درب الأحبـاب
همّـي كبيـر وكنّـي بألـف كربـه
والجرح ينزف عقب الأحباب ماطاب
ياللي ملكتيني تـرى النفـس ذربـه
ماتجرحك لو تنذبح وانتي الاسباب
عيشي بسعاده واجعلي النفس طربـه
لايشغلك همي اذا الوضع لك طـاب
هـذا المقـدّر والله اللـي أمـربـه
واعرف ظروفك يابعد كل من غـاب
أنا احتمل لو انطعـن بألـف حربـه
وان قلت عنك اسلا فأنا صرت كذاب
ودّي أمـوت وأندفـن بـأي تربـه
وارتاح مايطري على بالي اصحاب

◦◦ **!!** ◦◦

ماعاد تفرق معايه كل شي عادي
أوفيت ماوفيت منت أخر مشاويري
موتك بقلبي بدايه يوم ميلادي
باكر تعدل وتضحك لي مقاديري
جربت مره عنادك جرب عنادي..
مايوم قصرت شوف اليوم تقصيري..
أموت بأعلي الجبل ولاأموت بالوادي
ولاهين نفسي ولااتعب فيك تفكيري
ياهوووه.. وين انت رايح تايه وغادي
منت بعشيري ولاأغلي مساييري
لو كان عمري عليك وملحي وزادي
بلاش من هالحياة يعيشها غيري

تسلمين اختي
السلطانه وربي منور المنتدى فيك وبمواضيعك

تسلمين اختي
السلطانه وربي منور المنتدى فيك وبمواضيعك

أحلى بنوته ,,
,, يسلمك ربي ,,
والله المنتدى منور بوجودك وبردودك الحلوه ,,
لاتحرمينا من هالردود ,,