أنت وينك ؟ ترى الدعوى غدت حيص بيص..

قرأت لكم هذه الأبيات وأعجبتني..


كان قصدك عذابي لاتوصي حريص
الزمن مايقصر وأنت فيك أبركه..


لاتعاند تراني صرت مثل القريص
ماحدن راح صوبه والعذاب أنهكه..


لمعة الشوق فيني مثل لمع الفصيص
والقدم سقتها لك والطريق اسلكه..


قانصن لك وطحت برمش عينك قنيص
يوم شفته غدا بالقلب صوت ادبكه..


جيت بافر منّك واثر مالي محيص
اثر سهّمك تعدا للحشا وادهكه..


اشهد انّك بقدرك وبغلاتك بخيص
من كثر زود حبّك طحت وسط اشبكه..


أنت وينك ؟ ترى الدعوى غدت حيص بيص
وين راح الذكا والفكر والتكتكه..؟


خل قلبي بحبّك ياغناتي يهيص
وبين روحي وروحك وقّف المعركة..


ماهو بشرط من دش البحر صار غيص
كم وكم واحدن شاف البحر وأربكه..


اشتوت كبدي وصارت ببعدك حميص
وقرقعة قلبي بصدري تقول اتنكه..


الأمل أنطفا نوره وباقي بصيص
والعمر فات دوره والزمان أدركه..


صح قلت ابتعد لاشك منت برخيص
ماتناساك عقلي دام فيه أحركه..


مايأثّر عذولن جا عيونه نفيص
راح منّي وكفّه بالقهر يفركه..


ياحيببن جعلني من غلاته خبيص
له عيوني وطن والروح له مملكه..


ماعلي غير شوفك ياحياتي نقيص
هاك خيط المحبة وبيديك امسكه..


بين همن وتفكيرن وحظن عويص
كل من قال خلّه قلت كيف اتركه..؟


كيف اخلّي حبيبن في المحبة خليص
فارظن احترامه والحنان املكه..


لو جعل لي رسالة وسط مخبا القميص
بدري إن التجافي والزعل فبركه..


ويوم قلت ابتعد والله منت برخيص
كيف يرخص مقام اللّي هواه احبكه..؟


وكان قصدك عذابي لاتوصي حريص
الزمن مايقصر.. وأنت فيك أبركه..
،،،،،،،،،،،،،،،،،،،،،
اتمنى تنال رضاكم.!!.