حكمــــــــــــــــــــــــــــــــه 2

مدرك الأمثال خذ من واقـع الخبرمقـال
درّة بحر لولا طلبهـا مانفتـح صندوقهـا
الرّفقه اللي حد مبناها تحت فـي الضـلال
شجرة سري ٍ لا نشف ماها تموت عروقها
من دورة الأيام بالتّجريـب ودروس الليـال
خذها حقيقة تجربه سبع اللغـات تفوقهـا
ترى الثّقه مثل الأمانه كنز بصدور الرّجـال
تخسر ليا نزّلتها في سوق ما هو سوقهـا
كان الرّدي مضمونها في خاطره روح وتعال
حنّا الرّجال اللي ليا هانت تعـرف حقوقهـا
يوم إنّها توخذ عشاوه بين عم وبين خـال
باللين والشدّات ندراهـا ونرفـى فتوقهـا
نفدابها بالماقف اللي يقصر ٍ عنـه الحبـال
تشهد لنا طرقة حماة الجار مـع طاروقهـا
لو ثمّنوها بالرّخيص اللي حقيقتهـم خيـال
ناس ٍ ثقتها بـس قـد بطونهـا وشدوقهـا
ذولك مسايرهم على راع النّقاء عيب ووبال
غلطه ليا فاتت مع الأيام صعـب لحوقهـا
لا كنّها تكشف نوايا أهل الغـدر والإحتيـال
الحنظله من ذاق ملحتهـم لـزوم يذوقهـا
كد قيل عن حال القرين ليا جهلته لا تسـال
شف صحبته بالمجتمع وألبس جواده طوقها
تلقى الرّجال مع الرّجال اللي يشيلون الثّقال
وتلقى التّبوع مع التّبوع مقطّعات سبوقهـا
والكل منهم له مسيره بالحياه ولـه مجـال
من باق أمانة خالقه كـل العهـود يبوقهـا
العرف والمعروف بين النّاس باقي لا يـزال
لين الأمانه عندهم تسفى الـذّواري فوقهـا
هذا الزّمان اللي به العاقل خطير من الهبال
تيّار مـوج ٍ غبّتـه مـا ينّطـح زاروقهـا
عن ما يريبك ياعزيز النّفس لك بالإعتـزال
سلوى وراحه عن كدر نفسك وكثر حروقها
والعز في تقواك للمعبود يـاواف الخصـال
قدّام تنزل باللحود اللـي يـروّع ضوقهـا
وراك ديّان ٍ ليا صافحـك شدّيـت الرّحـال
حلّيت دار ٍ تحجـب الأنظـار دون طبوقهـا
بالعزله اللي من نزل فيها قمر وإلا هـلال
طوّل غيابه مع نجوم ٍ مستحيـل شروقهـا
إلا بيوم ٍ تجسر بحوره وتصتفـق الجبـال
وقلوب بني آدم من أحداثه تسـد حلوقهـا
تنصب موازين العداله والوفاء صاعه يكال
وتستافي الجمّاء من أم قرون عد طقوقهـا
يارب كمّل ناقص الأعمال يـاراع الكمـال
علّقت آمالي والظنون البيض في معلوقهـا

يعطيك ربي الف عاااااااااااااافيه

يعاااااااافييييك ...

يسلمووووووو أحلى بنوته عالمرور ,,

وعسانا ماننحرم منك ولامن ردودك الحلوه ,,